鳳凰徑12段 - 梅窩至貝澳
美麗海岸景色之旅，尋找隠藏在大牛湖頂的直升機場。
梅窩，貝澳。大家都認識的香港離島渡假聖地。但當大家在沙灘玩水，在渡假屋中燒野食既時候，其實在你們身後有一條行山徑，可以比大家在高山上欣賞呢兩個地方美景。
今次為大家介紹鳳凰徑12段，由梅窩行到貝澳沙灘，路徑易行之餘，更可飽覧海岸山上美景。在渡假之餘伸展一下筋骨，大家準備好未？
今次為大家介紹鳳凰徑12段，由梅窩行到貝澳沙灘，路徑易行之餘，更可飽覧海岸山上美景。在渡假之餘伸展一下筋骨，大家準備好未？
讚好此文:
相片 : ( 17 )
▼ 交通好方便，由中環6號碼頭出發！
▼ 呢條路線都幾好行，初段以樹蔭平路為主，中段長命上樓梯，後段極速落樓梯級，要準備足夠糧水。
▼ 路線另一特色，太多靚景！
▼ 天氣真好！沿途可望見美麗海岸藍天白雲景色。
▼ 嘩！估唔到重可以望到青衣咁遠。
▼ 途中有幾個小沙灘，重見到原居民捕魚添。
▼ 行左大約一個鐘，見到呢個涼亭，係時候小休一會。
▼ 再起行，行過一段山林，竟然有一個小小既燒烤場。原來旁邊有露營地點。
▼ 到啦，到啦！山頂上影相位！360度靚景，正！原來呢道係一個直升機場。有趣！
▼ 落山長命梯級！
▼ 雖然有點累，但都有海岸小村靚景陪伴，都唔錯呀！
▼ 行程尾聲，到達貝澳沙灘。最好夾好時間睇日落，一流！
▼ 好可惜，今日早左到，太陽未落山，睇唔到太陽蛋同Sunset magic.
▼ 雖然睇唔到日落，行下沙灘都不錯呀。
▼ 貝澳沙灘設施應有盡有，救生員等基本就一定有啦！
▼ 更衣室，沖身沖涼地方一應俱全。
▼ 呢道重有水上活動中心，燒烤場，小食亭，露營地點等等。。。
交通 : ( GPS定位導航請下載 "好地方HK" APP )
起點：渡輪由中環至梅窩, 巴士3M由東涌至梅窩。
終點：巴士3M 往東涌地鐵站, 1,2,3M,4往梅窩。
退路：
在L133的路口，可沿行車路往嶼南道。
在L130的路口，可經小徑下行至嶼南道。
終點：巴士3M 往東涌地鐵站, 1,2,3M,4往梅窩。
退路：
在L133的路口，可沿行車路往嶼南道。
在L130的路口，可經小徑下行至嶼南道。
相關地方 :
讚好此地方 :
Copyright @ TechmaxApp. All rights reserved.
